Emil Hamlyn Siko penyanyi baru ari Golden Pearl,Bujang sigat ke beasal ari Kampong Semeba Kuching.Udah kala enggau urang bepekit Bintang RTM,bulih enggau urang ba rengat ke penudi tauka Final.Diatu Emil Hamlyn udah ngerekot enggau kompany Golden Pearl,kunsi album enggau 2 iko penyanyi Wandy enggau Katrina.Kelimpah ari belagu ba kelab malam Emil mega bisi bisnes ke diri empu,ngagai kitak ke ka ngaga taman ba rumah tau ngiga Emil,laban iya bisi ngaga disgn taman rumah.Boleh tahan urang bujang tu,pandai ngaga bisnes ke diri empu.Emil mega siko penyanyi ke ngembuan patah nyawa ti pemadu manah,maya recording Emil nang senang amat nyaga vocal iya,engka iya udah mayuh peneleba ba pengawa belagu.Enda lama agi Emil deka ngeluar ke album single.Arap ke peminat lagu iban ulih meri sukung ngagai bujang sigat tu.Taja pan Emil bansa bidayuh tang iya terus amat nyebut leka lagu iban,nya alai kitai berasai betuah laban bansa bukai bisi enggau kitai belagu iban,nya alai kami meri terima kasih ngagai bala menyadi kitai bansa bidayuh laban nyukung lagu kitai bansa iban.Kelimpah ari nya mega Emil mega siko model,iya kala di bai urang nunjuk ke fesyen ba tikas Antarabangsa.Pesan ari Emil ngagai bala peminat,beli meh vcd Original,anang meli celak tiru.
No comments:
Post a Comment