Bujang Simunjan
Tau ke bali nama Ijau Betuah jayau ngasi.terubah iya aku meri
terima kasih ngagai bakeh aku Valentine ngumbang laban ke udah bendar promot album aku
dalam utusan Sarawak,nama berita keh?arap ke stedy slalu.aku berasai betuah bendar laban ke ulih ngenatai ke sebana diri ba ruang tu,sebana aku keterubah iya,aku deka nesau bala pembeli lagu iban,arap ke enda meli lagu celak tiru,laban bala bayat ke di pasar din kenyang perut makai titik peluh bala kami anak iban,anang nyukung sida iya wai kaban,aku bansa iban,ngambi ke lagu
kitai bansa seruran bisi keluar kena kitai beperindang au,tesau aku ti ke dua ngagai kitai ke begelar penyanyi,enti ulih ngaga gerempung kitai ngambi ke kitai teguh enda suka ati bansa bukai ngaga.ari gerempung kitai ulih kering ngaga serakup kena kitai munas ke cetak rompak(celak tiru)arap meh wai kaban besama meh munas ke celak tiru.ti ngachur industry muzik kitai.

ari jennarino jeraki. 9.2.2009.

Hai bala peninga,enda lama agi Syarikat Golden Pearl bisi ngeluar ke lagu compilasi,penyanyi baru,3 iko penyanyi baru ke bisi belagu dalam album tu iya nya:Catherine,Wendy enggau Emil Hamlen,Arap ke bala kita peminta lagu iban ulih nyukung sida tu ila.Catherine siko indu ke udah menang bulih juara di siti pub ke tebilang di Bandaraya Kuching,Emil Hamlen siko urang ke udah masuk petandingan RTM lalu bulih akhir final.
enggau Wendy siko penyanyi berbakat anak didik Jennarino Jeraki,arap ke kitak peninga nyukung vcd sida tu ila.Pelaba keluar Bulan 4.

Terima kasih.
Jennarino Jeraki.


Beli meh lagu aku ke baru Pantun Rakyat
Benung di jual diatu......RM19.90.Dipasaran.Tang di jual kami empu semina RM15 aja.

Album Aji bulih sambutan manah

Meri taba basa ngagai kitak semua,

Nyadi Aji tauka Hillary tu siko ari artis GP kami ti paling tinggi ianya urung 5 kaki 9 inci. Laban Aji tu pandai bemain muzik kelebih agi gitar karan, nyadi ya diatu nyadi programmer muzik lagu ti digaga ka GP ngelama tu.

Aji tu asal ari Simanggang. Keterubah ya enggau kami suba maya taun 2005 alu pansut enggau album Kumang Malaysia. Album keterubah Aji tu suba hit tauka tip top ko jako pasar kitai ditu.

Udah ya mujur enggau album Kumang Malaysia, Aji alu ngaga album kedua ti dikumbai kitai Tong Kosong tauka Indai Tuai Lama. Album tu bisi 10 iti lagu alu bisi ngena elemen muzik A Go Go, Twist, Dangdut ngau Slow Bigine.

1.Indai Tuai Lama.
2.Tong Kosong.
3.Tugau Rambang.
4.Badu Bekelikuh Raya.
5.Mimpi Kaya.
6.Sampai Ati.
7.Joget Badu Be’angkai.
8.Dudi Hari Ulih Ku Ngiga.
9.Penusah Beserara Enggau Nuan / Pengingat Lama Dikenang Selalu II
10.Irau Laban Pemajuk Dara.

Nyadi kesemua 10 iti lagu tu digaga aku empu Jeraki Mbaa, Maxwel Franklin Saran enggau Angop tauka Lakuang Ading.

Sekumbang album tu pansut ba pasaran maya bulan April taun lepas, album iya tu nang bulih sambutan ari bala peminat. Nyadi terima kasih besai aku meri ngagai kitak peminat lagu Iban laban udah nyukung kami, GP.

Sekian, terima kasih.

Ari aku,

Jeraki

Selamat Taun Baru Cina 2009

Ooo u,

Kati gaya Taun Baru Cina tu tadi? Bisi ngabang ngagai menyadi kitai Cina kitak wai bujang dara. Nyadi kena ka 26 Januari tu tadi kami sebilik bisi ngintu Taun Baru Cina gak. Pengawa tu diintu kami sebilik laban indai tuai aku tu nang peturun Cina. Nyadi kena ka maya nya di rumah kami ba Batu 9, Kuching ditu mayuh nerima penatai bala kaban belayan. Berami makai palau on aja ha ha.

Nyadi nadai jaku bukai ka dipadah aku ba ditu mina meri Selamat Taun Baru Cina 2009 ngagai bala menyadi Cina kitai ba nengeri Sarawak.

Ari aku,
Jennarino Jeraki

Album Lakuang @ Nading dijual lebih 6,000 unit..tahniah!

Tabi basa ngagai raban peminat,

Nyadi aku ngari ka kumpeni Golden Pearl meri besai tahniah ngagai recording artis kami ianya Lakuang Ading tauka Empangop laban album ya ti dipenudi tu Kisah Bini Aku udah dijual lebih ari 6,000 unit sekumbang udah pansut di pasaran alam bulan Disember tahun 2007 tadi.

Nyadi diatu album angop tu benung laku tauka benung bulih sambutan ari para peminat industri lagu Iban kitai di nengeri Sarawak.

Royalti ari album ya tu tadi udah dibayar aku ngagai angop tauka nama amai ia Levinson Nading alu didinga rita udah meli cash skuter warna biru kena iya berjegau / merempit kiba-kanan ba belah pasar semanggang diak. Hahaha.

Album Lakuang Ading: Kisah Bini Aku bisi 10 iti lagu:

1. Kisah Bini Aku
2. Jayau Terebai.
3. Kasih Sulu Bekunsi Alu
4. Joget Sengapa Embal
5. Enda Netap Ka Janji.
6. Nyiuh Ka Ai Ba Daun Keladi
7. Semadi Entua
8. Joget Batang Sadong
9. Tal Tial Ti Tal
10.Tuchum Pengubat Ati

Album tu dijual alam bentuk vcd aja. Nyadi berita manah ngagai peminatnya, empangop deka ngaga album baru ya alam kandang taun tu.

Terima kasih ngagai kitak ti enda berenti nyukung kompeni GP.

Nya aja ari aku,
Jeraki @ Boss@ Tauke

24/01/09

Team Bujang Senang - album duet terbaru Jenny Tan enggau Timoti

Nyadi album duet indai tuai aku ianya Jenny Tan seduai Timoti udah dijual ba pasar serata negeri Sarawak kena 25 November taun 2008 tu tadi. Album duet tu diberi nama Team Bujang Senang. Nyadi nakat tu udah lebih 3,000 unit album tu udah dijual kompeni kami. Terima kasih ngagai peminat ti bisi meli album Team Bujang Senang. Nya tanda kitak bisi nyukung kami ngelama tu.

Bisi 10 iti lagu dalam album duet tu ianya Team Bujang Senang, Aram Sama Pulai, Nuan Nyadi Ke Ganti, Ngiga Jalai Pemansang, Nancang Tali Semaya, Anang Ngutuk Nasib Diri, Cemburu Tanda Sayau, Nembiak Rebak Baru, Joget Sama Beterang enggau Tukar Tincin Nyadi Ka Tanda.

Nyadi kesemua 10 iti lagu dalam album ti dikarang indai tuai aku empu. Jenny meri besai terima kasih ngagai kitak semua raban peminat laban bisi meli album seduai iya timoti tu tadi.

Album aku ti kepenudi ya: Pantun Rayat.

Tabi basa ngagai bala peminat.



Diatu aku udah bisi siti album baru ti penudi ya ti diberi nama Pantun Rayat. Bisi 10 iti lagu alam album terbaru aku ka diatu.



1. Pantun Rayat

2. Buya Berimbai Enda Bepeda

3. Aram Berdangdut

4. Joget Keruk

5. Badu Ringat Ka Aku Sulu

6. Badu Bekendak Agi

7. Udah Luya Buai Sengapa

8. YB Menang Di Undi

9. Anang Cemburu Buta

10.Anang Sebarang Tunda

Album aku ka penudi tu bisi berbida manding ka album aku ti udah laban album Pantun Rayat tu bisi ngena elemen muzik Irama Malaysia ianya Rentak Gendang. Lagu dalam album Pantun Rayat tu digaga aku empu enggau Lakuang tauka Angop alu muzik diatur sida Aji Bulan @ Hilary.

Album Pantun Rayat udah dijual ba pasaran serata menua Sarawak start 24 Disember tu tadi. Nyadi arap ka para peminat ulih meli album aku ti original ukai ti cetak rompak.

Terima kasih ngagai sukung kitak semua.

Ari aku...Jeraki.

Cerita silik album tebaru aku tu mega ulih dibaca kitak ba blog Utusan Sarawak cawangan Simanggang. http://sriamannews.blogspot.com/

Meri tabi basa

Meri tabi basa enggau terima kasih mega ngagai semua raban dunya internet ti bisi nemuai ngagai website blog Golden Pearl Recording Studio ti baru benung digaga ka kami diatu.

Keterubah iya website tu ditumbuh ka kami awak ka raban peminat lagu Iban di menua kitai tu tau nemu lebih silik agi nama utai benung nyadi ba kompeni Golden Pearl. Kitak ari blog tu ila mega engka ulih nemu profail niap artis recording kami enti utai tu ila udah siap ditembu kami.

Tu list nama artis recording kami ti agi mengkang alam kompeni Golden Pearl:

1. Aku empu (Jennarino)
2. Maxwell Franklin Saran
3. Hilary
4. Lakuang Ading @ Levinson
5. Jenny Tan (bini aku)
6. Betty
7. Timoti

Kami mega enda lama agi bisi deka nerima artis recording ti baru ianya Cristina, Windy enggau Elmet.

Nyadi enggau basa ka besai aku, Jennarino Jeraki enggau bini aku Jenny Tan meri sekali dak agi terima kasih ngagai semua peminat ti enda kala leju meri sukung ngagai niap-niap album lagu ti digaga kompeni Golden Pearl. Pia mega nuju bala sida dj radio tauka suratkhabar enggau majalah ti kala promosi bala kami ngagai peminat di serantara Sarawak ngelama tu.

Sekian, terima kasih.

Nya aja ari aku,

Jennarino Jeraki